1.  ÜMUMİ MƏLUMAT  
   Aqromarket.az saytında (bundan sonra "Platforma") müştərilər kənd təsərrüfatı texnikası və avadanlıqlarının satışı üçün elan yerləşdirə bilərlər. Platformanın sahibi "SHEH AGRO" MMC-dir. Bu qaydalar və şərtlər Platformanın istifadəsini və məzmununa münasibətdə istifadəçilərin və müştərilərin hüquq və vəzifələrini tənzimləyir.

2.  QEYDİYYAT VƏ HESAB YARADILMASI 
   Platformadan istifadə etmək üçün qeydiyyat tələb olunmur. Bütün istifadəçilər müştərilərin elanlarını və əlaqə məlumatlarını açıq şəkildə görə bilərlər.

3.  MÜŞTƏRİ MƏSULİYYƏTİ   
   - Müştərilər öz elanlarını yerləşdirərkən doğru və dəqiq məlumat verməyə məsuldurlar. Yanlış, aldadıcı və ya qəsdən təhrif olunmuş məlumat yerləşdirmək qadağandır.
   - Elanların məzmununda təqdim edilən hər hansı hüquqi və ya maliyyə öhdəlikləri müştərinin məsuliyyətindədir.
   - Müştərilər öz elanlarını istənilən vaxt redaktə edə və ya silə bilərlər.

4.  İSTİFADƏÇİ MƏSULİYYƏTİ   
   - İstifadəçilər Platformadakı məlumatları şəxsi istifadə üçün əldə edə bilərlər. Hər hansı kommersiya məqsədi ilə istifadəyə icazə verilmir.
   - İstifadəçilərin elan sahiblərinə qarşı hörmətli davranması və Platformanı qanuni məqsədlər üçün istifadə etməsi tələb olunur.

5.  MƏXFİLİK SİYASƏTİ   
   Müştərilər Platformaya əlaqə məlumatlarını yerləşdirərkən, bu məlumatların qeydiyyatsız istifadəçilər tərəfindən açıq şəkildə görülə biləcəyini qəbul edirlər. SHEH AGRO MMC üçüncü tərəflərə məlumatları ötürməz, lakin müştərilərin təqdim etdiyi məlumatların məzmunu üzrə məsuliyyət daşımır.

6.   MƏSULİYYƏTİN MƏHDUDLAŞDIRILMASI 
   - Platforma vasitəsilə əldə edilən məlumatların doğruluğu və dəqiqliyi Platforma tərəfindən təsdiq edilmir və bu məlumatlara görə heç bir məsuliyyət daşınmır.
   - SHEH AGRO MMC hər hansı bir mübahisə və ya zərərə görə məsuliyyət daşımır və Platformada mövcud olan məlumatlardan irəli gələn risklərin istifadəçilərin üzərinə düşdüyünü bildirir.

7.  XİDMƏTLƏRİN LƏĞVİ VƏ DƏYİŞİKLİKLƏR   
   SHEH AGRO MMC istənilən vaxt Platformanın istifadəsi və ya fəaliyyəti ilə bağlı dəyişiklik etmək hüququnu özündə saxlayır.

8.  QANUNVERİCİLİK VƏ MÜBAHİSƏLƏRİN HƏLLİ   
   Bu şərtlər Azərbaycan Respublikasının qanunvericiliyinə əsaslanır. Hər hansı mübahisə yaranarsa, Azərbaycan Respublikasının məhkəmələri tərəfindən həll ediləcəkdir.

9. Məhdudiyyətlər və Hüquqlar

9.1. SHEH AGRO MMC platformanın fəaliyyətini təmin etmək, eləcə də elanları yoxlamaq və ehtiyac olduqda silmək hüququna malikdir.

9.2. Platformada qanunsuz və ya uyğunsuz məzmun yerləşdirilməsi qəti qadağandır.

10. Zəmanət və Cavabdehlikdən İmtina

10.1. aqromarket.az platforması elan yerləşdirən istifadəçilərin məhsullarına və ya xidmətlərinə zəmanət vermir və onlarla bağlı heç bir hüquqi məsuliyyət daşımır.

10.2. İstifadəçilər platformanın xidmətlərindən istifadə edərkən doğacaq hər hansı bir riskə görə tam məsuliyyət daşıyırlar.